التخطي إلى المحتوى

يوفنتوس امام كروتوني مباراة من البداية كان من المتوقع الفوز لليوفي امام كروتوني الخصم السهل .. الفريق المتزيل ترتيب الدوري الايطالي .
الملخص السريع ؟ اليوفي كسب 3 – صفر و رونالدو جاب منهم جونين بس يا سيدي دا الملخص السريع ..لسه موجود ؟ طيب تعالي احكيلك انا شفت الماتش ازاي

أهل الكورة دايما بيكونوا مميزين .. المتعة في اللعبة دي اه بين رجلين اللاعبيبة و لكن في الحقيقة المتعة فعلا في مزاجنا احنا و احنا بنتفرج علي الماتش لروفان كده ..
زي ما قلنا قبل كده اليوفي كان بيلاعب الاخير في الدوري ..فمتوقع الفوز فخلاص الحكاية .. لكن لاعبي كروتوني برغم من انهم عارفين الحقيقة دي نزلوا الماتش عملوا اول ربع ساعة عالمية حتي انهم تجرؤا و هددوا مرمي اليوفي .. تخيل يا مان
بس الكورة عموما ملهاش كبير دا حاجة طبيعه ان يبقي فيه فريق عايز يحقق نتيجة ايجابية قدام فريق قوي و الا يبقي ملوش لازمة و يقعدوا في البيت
في الحقيقة هما بعد الربع ساعة دي تقريبا قعدوا في الملعب بيتفرجوا علي لاعبي اليوفنتوس و هما بيدربوا ..اه اسف .. و هما بيلعبوا عادي الماتش شاطوا بس كورتين علي المرمي بتاع اليوفي ..

و بعدين الشوط الاول خلص ب 2- صفر بسهولة تامة سجلهم النجم العالمي الكبير قوي اللي الواحد مش بيزهق من التطبيل ليه عم كريستيانو رونالدو اللي فعلا ماشاء الله عليه بيثبت ان العمر رقم في البطاقة الراجل بيجيب هدفين بالراس في اقل من 10 د
الجون الاول في الدقيقى 38 و كان جون عادي اوفر اتلعبله الراجل نط بتاع مترين و حط الكورة في الزاوية العاكسية و خلاص
الجون التاني بقي اللي فعلا عملي مزاج من الماتش .. رونالدو كان معاه الكورة من برا المنطقة .. هوبا شاطها تخبط في الدفاع تروح علي الطرف .. رونالدو يعمل ايه بقي يفتح اسبرنت فاجر و يجري علشان يبقي هو الفرود جوا المنطقة و اقولك علي حاجة هو تقريبا سبق الكورة و نط حطها في الجون .. مش عايز احكيلك علي رياكشن لاعبية كروتوني بعد الجون دا ..اللي هو ايه اللي جابنا هنا ؟ حاجة كده بالظبط
الجميل ان الجون دا جه في الدقيقة 46 فخدوا الجون و دخلوا يعيطوا جوا في الاستراحة

الشوط التاني من يوفنتوس امام كروتوني


الشوط التاني فضل الوضع علي ما هو عليه هجوم من اليوفي و دفاع من كروتوني لحد ما جه الجون الثالث اللي سجله وستون مكيني في اللحظة دي كان كل شئ في الماتش انتهي .. مدرب كروتوني الله يمسيه بالخير عمل 3 تغيرات و حاول انه يدخل الماتش لكن بصراحة كان متاخر قوي .. و انتهي ماتش يوفنتوس امام كروتوني علي كده
الجميل بقي ان رونالدو بعد الماتش دا بقي هو الهداف بتاع الدوري الايطالي منفرد ب 18 جول
و كمان بالجونين دول بقي رونالدو عنده 133 جول بالراس في المباريات الرسمية
من الاخر كده … الدون يعيد كتابة التاريخ من جديد

أقرا ايضا

زميل صلاح السابق … ندمت لعدم اللعب معه فترة أطول